د هلمند ولايت مرافعه محکمې رئیس د یاد ولايت د ناوې ولسوالۍ له ابتدائیه محکمې څخه ليدنه وکړه
د هلمند ولایت مرافعه محکمې عمومي رئیس محترم شیخ غلام حضرت (ابوالمنذر)؛ د مرافعه محکمې جزا دېوان رئیس الحاج مولوي اغا محمد (انقیادي)، د حقوقو او تحریراتو آمرينو او د امنیتي قطعې مرستیال په ملتيا، په ۹/ ۴/ ۱۴۴۷ هـ ق نېټه د ناوې ولسوالۍ له ابتدائیه محکمې څخه ليدنه وکړه.
د ليدنې په پيل کې د مرافعه محکمې رئيس د یادې محکمې له رئيس، قضائي غړو، د حقوقو مدیر او امنيتي قطعې له منسوبینو سره ناسته وکړه.
په دې ناسته کې د عمومي وضعیت، همکارۍ او نورو اړوند مسایلو په تړاو خبرې وشوې.
د لیدنې په دوام د مرافعه محکمې عمومي رئیس او ورسره مل پلاوي له عامو وګړو سره تر ناستې وروسته د ابتدائیه محکمې، حقوقو مدیریت او اړوند څانګو قضائي او ادارې چارې وکتلې، ارزونه یې وکړه او له مسؤولینو سره یې د بېلابېلو اړوند موضوعاتو په تړاو خبرې وکړې.
د مرافعه محکمې رئيس د یادې ولسوالۍ د خلکو ستونزې له مسؤولينو سره شریکې کړې او هغوی ته یې د کارونو د لا ښه سمون، پیاوړتیا او چټکتیا په موخه لازمې لارښوونې او سپارښتنې وکړي.
