د غزني د مرافعه محکمې د سرپرست رئیس په مشرۍ اداري ناسته ترسره شوه
د دوشنبې په ورځ(۲۸ /۱ /۱۴۴۵ هـ ق) نېټه د غزني ولایت د مرافعه محکمې سرپرست رئیس مولوي محمد مبین (الطاف) د مرافعه محکمې په ریاست کې د عدلیې ریاست له رئیس او اداري کارکونکو او د مرافعه محکمې د دواوینو له رئیسانو سره اداري ناسته وکړه.
په دې ناسته کې چې د قرانکریم د مبارکو ایاتونو په تلاوت پیل شوه پر یو لړ مهمو او مشترکو موضوعاتو لکه د امارتي ځمکو ساتنه او پر هغوی باندې د دعوا په صورت کې څېړنه، د قضایای امارت لخوا محاکمو ته پر وخت د معلوماتو ورکول او داسې نورو مواردو بحث وشو.
وروسته د مرافعه محکمې د سر پرست رئیس له لوري مشترکو ستونزو ته حل لارې پیدا او مربوطه مرجع ته یې لازم هدایت وکړل ترڅو یادو ستونزو ته د رسېدو برخه کې جدي هڅې وکړي، د ستونزو پر وخت یو له بل سره تفاهم او همکاري وکړئ.
ورپسې د عدلیې رئیس مولوي محمد یعقوب (عاصم) د هر راز همکاریو ژمنه وکړه او ناسته د دعاء په ویلو سره پای ته ورسېده.
