د سترې محکمې د تدقيق او مطالعاتو عمومي ریاست د ۱۴۴۷ هـ ق کال د دويمې ربعې لنډ راپور
د سترې محکمې د تدقيق او مطالعاتو عمومي ریاست د ۱۴۴۷ هـ ق په دویمه ربعه کې لاندې مهم فعاليتونه سرته رسولي دي:
۱ـ په دویمه ربعه کې د قضائي تدقیق ریاست له لوري د (۳۴۱) جزائي، مدني، تجارتي، وثایقو، متفرقه استهداآتو، د قضائي پلټنې عمومي ریاست، د عارضینو د عرایضو، مکتوبي او مستردي ټولو استهدائي موضوعاتو په تړاو تدقیقي نظرونه وړاندې شوي دي.
۲ـ په دویمه ربعه کې د جزا دېوان د طرزالعمل کتاب د لازمو اصولو مطابق ترتیب، تنظیم او عالي شورا ته د مطرح کولو په موخه د سترې محکمې عالي مقام د دفتر عمومي ریاست ته ولېږل شو.
۳ـ په دویمه ربعه کې د عالیقدر امیرالمؤمنین (حفظهالله تعالی) د (۶۴۲/۴۵۸۶) شمېرې ۱۴ /۸ /۱۴۴۶هـ ق نېټې حکم پر بنسټ د «صلح» د طرزالعمل کتاب د لازمو اصولو مطابق ترتیب، تنظیم او عالي شورا ته د مطرح کولو لپاره د سترې محکمې عالي مقام د دفتر عمومي ریاست ته ولېږل شو.
۴ـ په دویمه ربعه کې د وثایقو په تړاو مطالعاتي نظر ترتیب شو او د وثایقو د درېیو ډولونو په اړه رهنمودونه د لازمو اصولو مطابق په دري او پښتو ژبو ترتیب، تنظیم او عالي شورا ته د وړاندې کولو لپاره د سترې محکمې د دارالانشاء عمومي ریاست ته ولېږل شول.
۵ـ په دویمه ربعه کې د سترې محکمې عالي مقام د هدایت پر اساس، قضائي مدققینو (۲۷) ډوله طرزالعملونه وکتل، له تصحیح وروسته یې د سترې محکمې د دارالانشاء عمومي ریاست ته ولېږل.
۶ـ په دویمه ربعه کې د سترې محکمې عالي مقام د هدایت پر اساس د قضائي مدققینو جلسه جوړه شوه؛ چې په کې بېلابېلې وثيقې تر غور او تدقیق لاندې ونیول شوې.
۷ـ په دویمه ربعه کې د درې ډوله وثایقو [د رسید خط، د شراکت خط (عنان، مفاوضه، تقبل، وجوه) او مجرد خط وثیقو] په اړه رهنمودونه په دري او پښتو ژبو ترتیب او د محترم قضائي معاونیت له تائید، هدایت او د سترې محکمې د عالي مقام د مشورتي شورا له مطرح کېدو وروسته د ملک د (۳۴) ولایتونو د مرافعه محاکمو ریاستونو ته ولېږل شول.
۸ـ په دویمه ربعه کې د محاکمو اړوند د مهرونو د تهیه او کارونې د طرزالعمل کتاب د لازمو اصولو مطابق ترتیب، تنظیم او عالي شورا ته د مطرح کولو لپاره د سترې محکمې عالي مقام د دفتر عمومي ریاست ته ولېږل شو.
۹ـ په دویمه ربعه کې د قضائي مطالعاتو ریاست اړوند د لایحې کتاب د اسلامې امارت د اصولو او قوانینو موافق ترتیب، تنظیم او تر نهایي کېدو وروسته د وروستيو اجراآتو په موخه اړوند مرجع ته ولېږل شو.
۱۰ـ په دویمه ربعه کې د قضائي تدقیق ریاست اړوند د لایحې کتاب د اسلامې امارت د اصولو او قوانینو موافق ترتیب، تنظیم او د وروستيو اجراآتو په موخه اړوند مرجع ته ولېږل شو.
۱۱ـ په دویمه ربعه کې د محاکمو د قضائي غړو د سلوک طرزالعمل کتاب د اسلامي امارت د اصولو او قوانینو په چوکاټ کې ترتیب، تنظیم او د منظورۍ په موخه د مشرتابه محترم مقام ته ولېږل شو.
۱۲ـ په دویمه ربعه کې د اداري منسوبینو د سلوک طرزالعمل کتاب تر غور او تحقیق لاندې او (۶۰) سلنه کار يې بشپړ شوی او دغه راز د محاکمو د تحریراتو ریاست د طرزالعمل کتاب تر غور او تحقیق لاندې او (۶۰) سلنه کار يې بشپړ شوی دی.
۱۳ـ په دویمه ربعه کې د سترې محکمې له فرهنګي مرکزونو څخه د استفادې لارښود تر غور او تحقیق لاندې نیول شوی او (۵۰) سلنه کار يې بشپړ شوی او دغه راز د عقاري ملکیت اسنادو د دوراني فورم لپاره لارښود کتاب تر غور او تحقیق لاندې نیول شوی او (۶۰) سلنه کار يې بشپړ شوی دی.
