د کونړ ولایت مرافعه محکمې رئيس او د یاد ولايت امنيه قوماندانۍ ترمنځ د همغږۍ غونډه وشوه

د کونړ ولایت د مرافعه محکمې رئيس الحاج مولوي عبدالکریم (شعیب)  په مشرۍ؛ د امنیه قوماندانۍ د جلسو په تالار کې د مرافعه محکمې دېوانونو، ښاري ابتدائيه او د ولسوالیو ابتدائيه محاکمو رئيسانو او د امنیه قوماندانۍ منسوبینو په ګډون، په ۵/ ۲/ ۱۴۴۸هـ ق نېټه د همغږۍ غونډه وشوه.
غونډه د قرآنکریم د څو مبارکو آیاتونو په تلاوت پيل شوه؛ ورپسې د مرافعه محکمې رئیس وینا وکړه وویل، نظام بېلا بېلې ادارې لري چې د اسلامي نظام د یووالي لپاره خدمات ترسره کوي، له هغو څخه یو د امنیه قوماندانۍ له جنائي جرمونو سره د مبارزې آمریت دی، د محاکمو او جنائي برخې ترمنځ همغږۍ او همکاري ډېره ضروري ده او باید له یو بل سره لازمه او پر وخت همغږي او همکاري ولري.
دواړو لوریو له یو بل سره د تېر په څېر د اصولو په رڼا کې د لا قوي همغږۍ او همکارۍ ژمنه وکړه.
غونډه د دعاء په ویلو پای ته ورسېده.