د هلمند د مرافعه محکمې اداري غونډه ترسره شوه
د سه شنبې په ورځ (۱۸ /۷ /۱۴۴۵هـ ق) نېټه د هلمند ولایت د مرافعه محکمې د عمومي رئیس محترم مولوي محمد (محمدي) په مشرۍ د ټولو دېوانونو د رئیسانو، مفتیانو، محررينو او د تحریراتو د عمومي آمر په ګډون اداري غونډه ترسره شوه.
دا غونډه د قرآنکریم د څو مبارکو آیاتونو په تلاوت پیل شوه؛ ورپسې مولوي محمدي د غونډې اجنډا بیان کړه، د مرافعه محکمې اړوند د موسی قلعه ولسوالۍ له ابتدائیه محکمې څخه راغلي د استهداء متن یې بیان او د غونډې د ګډونوالو له بحث وروسته د یادې استهداء جواب وویل شو.
د غونډې په وروستيو کې د مولوي محمدي لخوا د غونډې ګډونوالو ته لازم هدایات او سپارښتنې وشوې.
ياده غونډه د دعاء په ویلو پای ته ورسېده.
