د ننګرهار د حقوقو آمریت په رسمي توګه د دغه ولایت مرافعه محکمې ته انتقال شو
د روان ۱۴۴۴ هـ ق کال د شعبان په ۲۲مه نېټه د ننګرهار ولایت د مرافعه محکمې د رئیس محترم شیخ محمد ګلاب (فاروقي) په مشرۍ د دغه ولایت د مقام د استازي سیدروح الله (پاچا) او د عدلیې ریاست د استازي نصیراحمد په ګډون د سترې محکمې عالي مقام د (2677) 11 /8 /1444 هـ ق ګڼه لیک مطابق د حقوقو امریت ټول مربوطه توکي او لوازم تر جدول او فهرست وروسته د ننګرهار ولایت مرافعه محکمې ته انتقال شول.
مرافعه محکمې ته د حقوقو امریت تر لېږد وروسته د دې محکمې رئیس د حقوقو امرمحمد غیاث (عمرخیل) ته د مبارکۍ ترڅنګ په کارونو کې د شفافیت او چټکوالي هدایت وکړ.
دغه راز د ننګرهار ولایت د مقام استازي د ننګرهار مرافعه محکمې ریاست ته د حقوقو امریت د انتقال په موخه خپله خوښي څرګنده کړه، د حقوقو آمریت آمر د مننې ترڅنګ ډاډ ورکړ چې په کارونو کې به شفافیت او دولس په خدمت کې به خپلې هڅې ګړندۍ کړي.
