د پکتیا ولایت د مرافعه محکمې د نوي رئیس معرفت غونډه ترسره شوه
د روان ۱۴۴۴ هجري قمري کال د رمضان میاشتې په ۱۳مه نېټه د پکتیا ولایت د مرافعه محکمې د ریاست په تالار کې د یادې محکمې لپاره د نوي ټاکل شوي رئیس د معرفت غونډه ترسره شوه.
په یاده غونډه کې د پکتیا ولایت مقام مرستیال والي محترم مولوي انعام الله (صلاح الدین)، د پکتیا ولایت د مرافعه محکمې پخواني رئيس محترم الحاج مفتي عبیدالله (خالد)، د پکتیا ولایت د مرافعه محکمې ریاست لپاره نوي ټاکل شوي رئیس محترم مولوي امان الله (منقاد حقاني)، د پکتیا ولایت د ښاري ابتدائيه محکمې رئيس محترم مولوي کلیم الله (قانت حقاني)، د پکتیا ولایت د عدلیې رئیس محترم مولوي محمد رئيس (محمدي)، له پکتیکا ولایت څخه راغلو مېلمنو او د پکتیا ولایت د نورو ادارو رئيسانو او مسؤولینو شتون درلود.
جوړه شوې غونډه د پکتیا ولایت د مرافعه محکمې ریاست د مدني او عامه حقوقو دېوان د رئیس مولوي محمد کریم (نسیمي) د غوښتنې سره سم د پکتیا ولایت د مرافعه محکمې ریاست د جزاء دېوان د محرر (مستشار قاضي) مولوي عبدالرحمن (زاهد) لخوا د قرانکریم د مبارکو آیاتونو په تلاوت پیل شوه.
په جوړه شوې غونډه کې د پکتیا مرستیال والي محترم مولوي انعام الله (صلاح الدین) د مرافعه محکمې نوي رئيس او د پکتیکا ولایت څخه راغلو مېلمنو ته ښه راغلاست ووایه.
ورپسې د پکتیا ولایت د ښاري ابتدائيه محکمې رئيس محترم مولوي کلیم الله (قانت حقاني)، د پکتیکا څخه راغلي مېلمه محترم مولوي عبدالله، د پکتیا د مرافعه محکمې پخواني رئيس الحاج محترم مفتي عبیدالله (خالد) او په آخر کې د پکتیا ولایت د مرافعه محکمې لپاره نوي ټاکل شوي رئيس محترم مولوي امان الله (منقاد حقاني) د عدل او انصاف، پر قضاء او د قضاء پر منصب، د قرآنکریم او د احادیثو په رڼا کې پر اسلامي نظام، د اسلامي نظام پر بقاء، د اسلامي امارت د عالیقدر امیرالمؤمنین حفظه الله په اوامرو او فرامینو، د اسلامي امارت د درنو مشرانو پر ښو کړنو او د امام ابوحنیفه (رحمة الله علیه) د ژوند پر کړنلارو خبرې وکړې.
په پای کې د پکتیا د مرافعه محکمې د ریاست لپاره نوي ټاکل شوي رئيس د غونډې له ګډونوالو سره ژمنه وکړه چې ان شاء الله زه به د پکتیا ولایت درنو ولسونو ته د اسلامي شریعت په چوکاټ کې د زړه له تله خدمت کوم.
غونډه د مرافعه محکمې ریاست د ثبت اسناد وثایق او مخزن آمریت د مفتي محترم شیخ عبدالجبار (احمدي) لخوا د دعا په ویلو سره پای ته ورسېده.
