خوست ولایت کې (۱۱) مجرمینو او متهمینو ته تعزیري سزا ورکړل شوه
د خوست ولایت د ښاري ابتدائیه محکمې د جزا او عامه امنيت دېوانونو د پرېکړو له مخې د يوې ښځې په ګډون درېيو کسانو ته د زنا په تور او د دوو ښځو په ګډون اته کسانو ته د نامشروع اړیکو، د شعائرالله توهین، رشوت او دروغ راپور ورکولو په جرمونو؛ په ۱۲/ ۱۰/ ۱۴۴۶هـ ق نېټه په عام محضر کې تعزیري سزا ورکړل شوه.
ابتدائيه محکمې یاد کسان له دوو تر پنځو کالو پر تنفيذي بند او له ۳۵ تر ۳۹ دُرو تعزیري سزا محکوم کړي وو؛ چې یادې پرېکړې د سترې محکمې د عالي مقام له تائيد وروسته تطبيق شوې.
په دې موخه جوړه شوې غونډه کې د خوست مرافعه محکمې عمومي رئيس الحاج مولوي امین الله (منیب)، د ښاري ابتدائيه محکمې رئیس مولوي نقیب الله (ذاکر)، قضائي غړو، نظامي منسوبینو او عامو هېوادوالو ګډون درلود.
غونډه د دعا په ویلو پای ته ورسېده.
