د زابل ولایت مرافعه محکمې په انګړ کې يو باب مسجد جوړ او ګټې اخيستنې ته وسپارل شو
د زابل ولایت مرافعه محکمې په انګړ کې د سترې محکمې د رئیس او قاضيالقضات محترم شیخ عبدالحکیم (حقاني) صاحب په ځانګړي شفقت او مهربانۍ یو باب مسجد جوړ او په ۲۲/ ۳/ ۱۴۴۷ هـ ق نېټه ګټې اخیستنې ته وسپارل شو.
د یاد مسجد د پرانیستې په موخه جوړه شوې غوڼده، چې د مرافعه او ښاري محاکمو رئیسانو، قضائي غړو، اداري کارکوونکو، د محافظتي قطعو قوماندانانو او مجاهدينو په کې ګډون درلود، د قرآنکریم د څو مبارکو آياتونه په تلاوت پیل شوه.
ورپسې د مرافعه محکمې رئيس محترم مفتي عبدالجليل (سفيان) ګډونوالو ته د جوړ شوي مسجد په اړه معلومات ورکړل وویل، دغه جوړ مسجد د سترې محکمې د محترم رئيس او قاضيالقضات شيخ عبدالحکیم (حقاني) حفظهالله د خاص شفقت او مهربانۍ له مخې د زابل ولایت مرافعه محکمې ته د راتګ پر مهال منظور او د سترې محکمې له بودجې جوړ شو.
د یادونې وړ ده چې ياد مسجد په یوه وخت د (۲۵۰) لمونځ کوونکو ظرفيت لري او د يوې مياشتې او پنځلس ورځو په موده کې په پاخه او اساسي ډول ورغول شو.
یاده غونډه د دعاء په ويلو پای ته ورسېده.
