د بلخ ولايت مرافعه محکمې رئيس د یاد ولايت د ولسوالیو د حقوقو له مدیرانو سره وکتل

د بلخ ولایت مرافعه محکمې عمومي رئیس محترم الحاج شیخ غلام‌الله (عادل)، د جزا دېوان رئیس محترم مولوي عبدالرؤف (زهیر)، د تحریراتو رئیس (انانسر)، په ۱۸/ ۱۰/ ۱۴۴۷هـ ق نېټه د یاد ولایت د ټولو ولسوالیو د حقوقو له مدیرانو سره ليدنه وکړه. 
د ليدنې په پيل کې د مرافعه محکمې رئيس ګډونوالو ته ښه راغلاست ووایه؛ ورپسې د ولسواليو د حقوقو مدیرانو په خپل نوبت د حقوقو اړوند مسایل، اړتیاوې او له مافوق محاکمو سره د همغږۍ په اړه خپل نظرونه او رضایت څرګند کړ، دوی د محاکمو او نورو مربوطه ادارو ترمنځ د همغږۍ او اصولي همکاریو ستاینه او قدرداني وکړه.
د غونډې په دوام د حقوقو مدیرانو خپلې یو شمېر اداري اړتیاوې هم شریکې کړې.
دغه راز په دې لیدنه کې د بېلا بېلو موضوعاتو په اړه خبرې وشوې او د اړوند ارګانونو ترمنځ د همغږۍ او همکارۍ د لا تقویې په اړه نظرونه شریک شول.