د زابل د شهرصفا ولسوالۍ د ابتدائيه محکمې په هڅو د قتل موضوع حل شوه
د زابل ولايت د شهرصفا ولسوالۍ د فولادګي په سيمه کې په ۲۲/ ۶/ ۱۴۴۵ھ ق نېټه يوه ترافيکي پېښه د ټيلر او سوزکي ډوله موټرو ترمنځ رامنځته شوې وه؛ چې په پايله کې يو تن شهيد او بل زخمي شوی و.
ياده پېښه د شهرصفا ولسوالۍ ابتدائيه محکمې ته تر راجع کېدو وروسته د دې محکمې په هڅو، د قومي مشرانو په منځګړيتوب حل او د مقتول کورنۍ لخوا قاتل ته بښنه وشوه او قضيه یې رسماً پای ته ورسېده.
د یادونې وړ چې دا ۱۳مه د قتل موضوع ده، چې د شهرصفا ولسوالۍ د ابتدائیه محکمې د محترم رئیس او قاضي په هڅو حل او فصل کېږي.
