د سترې محکمې د تدارکاتو آمریت خبرتیا

د تدارکاتو قانون د درې څلویښتمې مادې د(۲مې) فقرې له مخې ټولو هیوادوالو ته خبر ورکول کیږي چې د افغانستان اسلامي امارت ستره محکمه په نظر کې لري د1402هـ ش مالي کال لپاره د بلو ګلاسي ساختماني شرکت سره چې د جواز شمېره یې (32872-D ) ده او مرکزي دفتر یې د کابل ولایت مرکز په حاجي یعقوب څلورلاري کې موقعیت لري، د (1235000) یو میلیون او دوه سوه پنځه دیرش زره افغانیو په قیمت دکابل ولایت د مرافعه محکمې د یو پوړیزه او دوه پوړیزه ودانیو د بنسټیز ترمیم او رنګمالۍ قرارداد وکړي.
هر ډول حکمي او حقیقي شخصیتونه چې په دې اړه نیوکه لري د تدارکاتو قانون د پنځوسمې مادې له مخې کولاي شي په لیکلي ډول د دلایلو په لرلو سره خپلې نیوکې د دې اعلان د خپرېدو له نېټې څخه تر اوو (7) تقویمي ورځو پورې د عامې روغتیا څلورلاري ته څېرمه د سترې محکمې د مالي او اداري عمومي ریاست اړوند تدارکاتو آمریت ته وړاندې کړي .
دا خبرتیا د قرارداد د تړلو په معنی نه ده، د پورته ذکر شوې نېټې تر پوره کېدو او نورو قانوني مرحلو تر سرته رسولو پورې د قرارداد عقد نه تړل کیږي.