د ننګرهار ولایت د مرافعه محکمې د نوي رئیس د معرفت غونډه ترسره شوه
د روان ۱۴۴۴ هجري قمري کال د رمضان میاشتې په ۱۷مه نېټه د ننګرهار ولایت د مرافعه محکمې نوی رئیس شیخ معاذ الله د یاد ولایت د محاکمو قضائي او اداري منسوبینو ته ورمعرفي شو.
محترم شیخ معاذالله چې د عالیقدر امیرالمؤمنین حفظه الله د (۳۲۲۵) شمېره، ۸ /۹ /۱۴۴۴ نېټې حکم او د سترې محکمې د عالي مقام د بشري سرچینو عمومي ریاست د (۳۸۰۴) شمېره، ۸/۹/۱۴۴۴ ګڼه (پ۲) په اساس د ننګرهار ولایت د مرافعه محکمې د رئیس په توګه تعین او منظور شوی و رسماً د یاد ولایت د محاکمو منسوبینو ته ور معرفي او دنده یې پیل کړه.
د ننګرهار د مرافعه محکمې د نوي رئیس د معرفت غونډه د قرآنکریم د څو مبارکو ایاتونو په تلاوت پیل شوه، ورپسې د ننګرهار مرافعه محکمې د جزاء دېوان رئیس محترم مفتي کلیم الله (حقاني) محترم شیخ معاذالله ته د مرافعه محکمې د قضائي او اداري کارکوونکو په استازیتوب ښه راغلاست ووایه.
دغه راز د ننګرهار د مرافعه محکمې نوي رئیس محترم شیخ معاذالله د غونډې ګډونوالو ته خپله عالمانه وینا وکړه او قضات يې خپلو دندو ته متوجه کړل.
یاده ناسته د ختیځ زون د ابتدائيه نظامي محکمې د رئیس محترم مولوي عین الدین (خلیل) لخوا د دعا په ویلو سره پای ته ورسېده.
