د کابل د نشه يي توکو او مسکراتو څخه د مخنيوي ابتدائيه محکمې په دوه نيمو مياشتو کې (۳۱۱) دوسيې حل او فصل کړې دي
د کابل ولایت د نشه يي توکو او مسکراتو څخه د مخنيوي ابتدائیه محکمې په دوه نیمو میاشتو له (۱/۳/۱۴۴۵ هـ ق څخه تر ۱۵/۵/۱۴۴۵ هـ ق نېټې) پورې (۳۱۱) دوسيې حل او فصل کړې، چې جزئيات يې په لاندې ډول دي.
د نشه يي توکو او مسکراتو څخه د مخنیوي ابتدائیه محکمې ته په دوه نيمو مياشتو کې (۴۸۷) دوسيې واردې شوې، په داسې حال کې چې مخکې هم يو شمېر دوسيې موجودې وې.
له دې جملې څخه (۲۵۵) دوسيې فیصله شوې، د (۵۶) دوسيو په تړاو قضائي قرارونه صادر شوي او پاتې دوسیې تر کار لاندې دي.
