د نورستان ولايت د مرافعه محکمې د رئيس په مشرۍ اداري غونډه وشوه
د نورستان ولایت د مرافعه محکمې رئیس محترم مولوي عبیدالله (سلیم) په مشرۍ؛ د دېوانونو د رئیسانو، قضائي غړو، د مرافعه او ښاري محاکمو منسوبینو په ګډون په ۱۹ /۴ /۱۴۴۶هـ ق نېټه اداري ناسته وشوه.
غونډه د قرآنکريم د څو مبارکو آياتونو په تلاوت پيل شوه؛ ورپسې د مرافعه محکمې د مدني دېوان رئیس، د وانت وایګل ولسوالۍ مفتي عبدالرزاق او د ښاري محکمې رئیس مولوي محمد سعید (احمدي) په بېلا، بېلو موضوعاتو هر اړخيزې خبرې وکړې.
د غونډې په دوام د مرافعه محکمې رئیس وويل، مسؤولیتونو ته د شریعت په رڼا کې رسېدنه کوئ، نوموړي د حاضرۍ پر پابندۍ، په ټاکلي وخت قضایاوو ته پر رسېدنه، له مراجعینو سره پر ښه چلند، اجراآتو کې پر شفافیت او د شرعي اصولو په مراعاتولو ټینګار وکړ.
د غونډې په پای کې د يو شمېر موضوعاتو په تړاو هر اړخيزې خبرې اترې او پرېکړې وشوې.
غونډه د دعا په ويلو پای ته ورسېده.
