په پکتيا ولايت کې اتو مجرمينو او متهمينو ته تعزیري سزا ورکړل شوه

m_admin
چهارشنبه ۱۴۰۳/۹/۲۸ - ۱۰:۳۲
په پکتيا ولايت کې اتو مجرمينو او متهمينو ته تعزیري سزا ورکړل شوه

د پکتیا زون نظامي محکمې د پرېکړې له مخې شپږو کسانو ته د غلا، قتل، اختطاف په تور او دوو کسانو ته د نامشروع اړيکو په جرم په ۱۵/ ۶/ ۱۴۴۶هـ ق نېټه تعزیري سزا ورکړل شوه.
د پکتيا زون نظامي محکمې د یادو مجرمينو او متهمينو له ډلې دوه تنه پر ۱۰ـ۱۰ کاله تنفيذي بند او ۳۹ـ۳۹ دُرو، يو تن پر دوه کاله تنفيذي بند او ۳۹ دُرو، درې تنه پر ۳۹ـ ۳۹ دُرو تعزیري سزا او دوه وروستي کسان پر ۳ـ ۳ کاله تنفيذي بند او ۳۹ـ ۳۹ دُرو تعزیري سزا محکوم کړي وو؛ يادې پرېکړې د سترې محکمې د عالي مقام لخوا هم تائيد شوې وې.
پر مجرمینو او متهمینو د تعزیري سزا د حکم د تطبیق غونډه کې د پکتیا زون نظامي محکمې عمومي رئيس محترم شیخ عبدالهادي (همت) او د يو شمېر امارتي ادارو مسؤولینو ګډون درلود.
غونډه د قرآنکریم د څو مبارکو آیاتونو په تلاوت پیل شوه؛ ورپسې د پکتیا زون نظامي محکمې رئيس پر مجرمینو او متهمینو د تعزیري سزاګانو د تطبیق د ګټو په اړه هر اړخيزې خبرې وکړې.
یاده غونډه پر مجرمينو او متهمينو د تعزیري سزا د حکم له تطبيق وروسته د دعا په ويلو پای ته ورسېده.

تازه خبرونه

پنجشنبه ۱۴۰۴/۳/۲۹ - ۱۱:۳۰
Background image

د کابل ولایت د نشه‌يي توکو او مسکراتو څخه د مخنیوي ابتدائیه محکمې لخوا ‍(۶) مجرمینو ته تعزیري سزا ورکړل شوه

د کابل ولایت د نشه‌یي توکو او مسکراتو څخه د مخنیوي ابتدائیه محکمې د پرېکړې له مخې شپږو کسانو ته د نشه‌يي تابلیتو (ذیکپ، تابلیتk)، شیشې او هيروئينو د خرڅلاو په جرمونو؛ په ۱۹ /۱۲ / ۱۴۴۶. . .

چهارشنبه ۱۴۰۴/۳/۲۸ - ۱۱:۴۱
Background image

د پکتيا ولايت مرافعه محکمې رئيس د مرافعه او ښاري ابتدائیه محاکمو له مسؤولينو سره ناسته وکړه

د پکتیا ولایت مرافعه محکمې عمومي رئيس محترم مفتي عبیدالله (خالد) په ۸/ ۱۲/ ۱۴۴۶ هـ ق نېټه د یاد ولایت مرافعه او ښاري ابتدائيه محاکمو له قضائي او اداري کارکوونکو سره ناسته وکړه.
ناسته د. . .

سه‌شنبه ۱۴۰۴/۳/۲۷ - ۱۴:۴۰
Background image

د کابل ولایت مرافعه، د نشه يي توکو او مسکراتو څخه د مخنيوي ابتدائیه او اختصاصي محاکمو په دوو اونيو کې (۵۰۰) دوسيو ته رسېدنه کړې ده

د کابل ولایت مرافعه محکمې استینافي دېوانونو، د نشه يي توکو او مسکراتو څخه د مخنيوي ابتدائیه او اختصاصي محاکمو د ۱۶ /۱۱ /۱۴۴۶ هـ ق څخه تر ۳۰ /۱۱ /۱۴۴۶ هـ ق نېټې پورې د اجراآتو راپور په. . .

بیا په خبرونو کی