په غزني ولايت کې دوو متهمينو ته تعزیري سزا ورکړل شوه
د غزني ولايت د مقر ولسوالۍ د ابتدائيه محکمې د پرېکړې له مخې د يوې ښځې په ګډون دوو کسانو ته چې پر زنا متهم وو؛ په ۶/ ۶/ ۱۴۴۶ هـ ق نېټه په عام محضر کې تعزیري سزا ورکړل شوه.
ابتدائيه محکمې د يادو متهمينو له ډلې يو متهم پر درې کاله تنفيذي بند او ۳۹ دُرو تعزیري سزا او دويمه متهمه پر پنځه کاله تنفيذي بند او ۳۹ دُرو تعزیري محکومه کړې وه.
د ابتدائيه محکمې ياده پرېکړه د غزني ولايت د مرافعه محکمې او د سترې محکمې د عالي مقام له تائيد وروسته پر متهمينو تطبيق شوه.
