د کونړ ولایت مرافعه محکمې رئيس د یاد ولایت (۱۵) ولسوالیو ابتدائيه محاکمو ته سفر وکړ

د کونړ ولايت مرافعه محکمې رئيس الحاج مولوي عبدالکریم (شعيب)، د یادې محکمې د عامه امنیت دېوان رئیس مولوي نصیراحمد (حقاني) او د جزا دېوان مفتي مولوي محمد اصغر په ملتیا، د ۱۴۴۷هـ ق کال د ذوالحجة الحرام میاشتې له ۳۰مې څخه د ۱۴۴۸هـ ق کال د محرم الحرام میاشتې تر ۸مې نېټې پورې، د یاد ولایت (۱۵) ولسواليو ابتدائيه محاکمو ته د قضائي او اداري اجراآتو د ارزونې په موخه سفر وکړ.
 د مرافعه محکمې رئيس او ورسره مل هيئت د یادو محاکمو د قضائي او اداري کړنو تر کتلو وروسته اړوند قضائي او اداري مسؤولینو ته لازمې سپارښتنې وکړې وویل، چې د تېر په څېر خپلو دندو ته په ټاکلي وخت حاضرېږئ، له بې‌ځایه غیرحاضریو ډډه وکړئ او دوسیې په ټاکلي وخت فیصله کوئ.
په دې سربېره د مرافعه محکمې پلاوي د محاکمو  قضائي، حقوقي او اداري کارکوونکو ته د محاکمو د وقار، حیثیت او بې‌طرفۍ د ساتلو په موخه لازمې سپارښتنې وکړې.
دغه راز یاد هيئت د ولسوالیو ابتدائیه محاکمو قاضیانو ته له بنديانو سره د اصولو مطابق د چلند کولو توصیه وکړه.