د غزني ولايت مرافعه محکمې رئيس په مشرۍ قضائي غونډه وشوه
د غزني ولايت مرافعه محکمې رئیس محترم مفتي عزیزالله (حيدري) په مشرۍ؛ د مرافعه محکمې د دېوانونو رئيسانو، د ښاري محکمې رئيس او یادې محکمې د دېوانونو رئیسانو په ګډون، په ۵/ ۶/ ۱۴۴۷هـ ق نېټه قضائي غونډه وشوه.
غونډه د تحریراتو آمر مولوي رحمت الله (منیب) لخوا د قرآنکریم د څو مبارکو آیاتونو په تلاوت پیل شوه؛ ورپسې د مرافعه محکمې رئیس ګډونوالو ته ښه راغلاست ووایه، د فیصلو، بېبضاعته بندیانو او نور موضوعاتو په اړه یې خبرې وکړې.
د غونډې په دوام ګډونوالو په خپل وار د یادو موضوعاتو په اړه نظرونه شريک کړل.
غونډه په اختتامیه دعاء پای ته ورسېده.
