د ننګرهار محاکمو په دوو اونيو کې (۳۵۱) دوسیو ته پر رسېدنه سربېره (۱۹۷) وثیقې اجرا کړې دي
د ننګرهار ولايت مرافعه محکمې، وثايقو، ښاري ابتدائیه محکمې او د ټولو ولسواليو ابتدائیه محاکمو په دوو اونيو کې له ( ۹/ ۱۰/ ۱۴۴۵هـ ق څخه تر ۲۵/ ۱۰/ ۱۴۴۵ هـ ق) نېټې پورې (۳۵۱) دوسيو ته رسېدنه کړې او (۱۹۷) وثيقې يې هم اجرا کړې دي، چې جزئيات يې په لاندې ډول دي:
په حقوقی برخه کې:
د ننګرهار ولایت محاکمو ته په دوو اونيو کې (۱۸۴) حقوقي دوسيې واردې شوې، په داسې حال کې چې مخکې هم یو شمېر دوسیې موجودې وې.
له دې جملې څخه (۱۷) دوسیې مکتوبي اجرا شوې، د (۹۴) دوسیو په تړاو قضائي قرارونه صادر شوي، (۳۳) دوسیې فیصله شوې او پاتې دوسيې تر کار لاندې دي.
په جزائي برخه کې:
د ننګرهار ولایت محاکمو ته په دوو اونيو کې (۱۶۱) جزائي دوسیې واردې شوې، په داسې حال کې چې مخکې هم یو شمېر دوسیې موجودې وې.
له دې جملې څخه (۲۱) دوسیې مکتوبي اجرا شوې، د (۲۵) دوسیو په تړاو قضائي قرارونه صادر شوي، (۸۲) دوسیې فیصله شوې او پاتې دوسیې تر کار لاندې دي.
په تجارتي برخه کې:
د ننګرهار ولايت محاکمو ته په دوو اونيو کې (۳۵) تجارتي دوسیې واردې شوې دي.
له دې جملې څخه (۳) دوسیې مکتوبي اجرا شوې، د (۶۱) دوسیو په تړاو قضائي قرارونه صادر شوي، (۱۵) دوسیې فیصله شوې او پاتې دوسيې تر کار لاندې دي.
د وثيقو برخه کې:
د ننګرهار محاکمو په يوه مياشت کې (۱۹۷) بېلا بېلې وثيقې هم اجرا کړې دي.