د فراه محاکمو یوه میاشت کې د (۴۶۹) دوسیو پر حل او فصل سربېره، (۴۴۴) وثیقې هم اجرا کړې دي

د فراه ولايت محاکمو(مرافعه محکمې، ښاري ابتدائیه محکمې او د ولسواليو ابتدائیه محاکمو په يوه مياشت کې د ۱/ ۳/ ۱۴۴۵هـ ق نېټې څخه تر ۲۷/ ۳/ ۱۴۴۵ هـ ق نېټې) پورې د (۴۶۹) دوسيو پر حل او فصل سربېره، (۴۴۴) وثيقې هم اجرا کړې دي، چې جزئيات يې په لاندې ډول دي.
په حقوقي برخه کې:
د فراه ولایت محاکمو ته په يوه مياشت کې (۱۸۶) حقوقي دوسیې واردې شوې دي، په داسې حال کې چې مخکې هم یو شمېر دوسیې موجودې وي.
له دې جملې څخه (۲) دوسیې مکتوبي مستردې شوې، د (۲۰۵) دوسیو په اړه قضائي قرارونه صادر شوي، (۸۴) دوسیې فیصله شوې او پاتې دوسيې تر کار لاندې دي.
په جزائي برخه کې:
د فراه ولایت محاکمو ته په يوه مياشت کې (۲۶۸) جزائي دوسیې واردې شوې دي، په داسې حال کې چې مخکې هم یو شمېر دوسیې موجودې وي.
له دې جملې څخه (۶) دوسیې مکتوبي مستردې شوې، د (۴۰) دوسیو په اړه قضائي قرارونه صادر شوي، (۱۳۲) دوسیې فیصله شوې او پاتې دوسيې تر کار لاندې دي.
د وثيقو برخه کې:
د فراه ولايت محاکمو په يوه مياشت کې (۴۴۴) بېلا بېلې وثیقې هم اجرا کړې دي.