په خوست ولایت کې پنځو متهمینو ته تعزیري سزا ورکړل شوه
په ۱۵ /۱۰ /۱۴۴۵هـ ق نېټه د خوست ولایت د اسمعیل خېلو د ابتدائیه محکمې د پرېکړی په اساس پنځو کسانو ته چې په قطاع الطریقۍ، غلا او اخلاقي فساد متهم وو، په عام محضر کې تعزیري سزا ورکړل شوه.
د یادو متهمینو له جملې څخه یو متهم پر پنځه کاله تنفیذي بند او (۳۹)دُرې تعزیري سزا، دویم متهم پر درې کاله تنفیذي بند او (۳۹) دُرې تعزیري سزا، درېیم او څلورم متهمین پر ۸ میاشتې تنفیذي بند او (۳۰) دُرې تعزیري سزا، پنځم متهم پر څلور کاله تنفیذي بند او (۳۹) دُرې تعزیري سزا محکوم شوی و.
د تعزیري سزا دغه حکم د خوست ولایت د اسمعیل خېلو ولسوالۍ د ابتدائیه محکمې په انګړ کې په داسی حال کې پر متهمینو تطبیق شو چی د خوست د مرافعه محکمې عمومي رئيس الحاج مولوي امین الله (منیب)، د یاد ولایت د امربالمعروف رئیس، د اسمعیل خېلو ولسوالۍ ولسوال او امنیه قوماندان او د یادې ولسوالۍ ټول ملکي او نظامي منسوبینو حضور درلود.
یاده پرېکړه د سترې محکمې د عالي مقام له تائید وروسته پر متهمینوتطبیق شوه.
