د ميدان وردګ ولایت د مرافعه محکمې رئيس د یاد ولايت د اتو ولسواليو له ابتدائيه محاکمو څخه لیدنه او نظارت وکړ
د میدان وردګ ولایت د مرافعه محکمې رئيس محترم مولوي عبدالله (فرقاني) د تحریراتو د آمر په ملتيا په ۳/ ۲/ ۱۴۶۶ هـ ق نېټه د دایمیرداد، جغتو، سيدآباد، جلريز، نرخ، مرکز بهسود، حصه اول بهسود او چک ولسواليو له ابتدائيه محاکمو څخه لیدنه او نظارت پیل کړ.
په دې ليدنه کې د یادو محاکمو قضائي او اداري چارې وکتل شوې، الحمدلله د محاکمو کارونه د اصولو مطابق په منظم ډول روان وو.
د لیدنې په دوام د مرافعه محکمې رئيس د یادو محاکمو مسؤولينو ته د چارو د چټکتيا، د هېوادوالو ستونزو د رسېدنې او لا ښې همغږۍ په موخه لازمې سپارښتنې وکړې.
د مرافعه محکمې د رئيس یاد سفر په ۲۲/ ۲/ ۱۴۴۶ هـ ق نېټه پای ته ورسېد.
