د سترې محکمې اداري مرستيال د وثايقو آمريتونو له مراجعينو سره ليدنه وکړه

د سترې محکمې اداري مرستيال محترم شيخ عبدالمالک (حقاني) د کابل د مرافعه محکمې اړوند د وثايقو آمريتونو له مراجعينو سره په ۲۳/ ۳/ ۱۴۴۶ هـ ق نېټه له نږدې ليدنه وکړه.
په دې ليدنه کې محترم حقاني صاحب د مراجعينو ستونزې او غوښتنې له نږدې واورېدې او د یادو ستونزو او غوښتنو د حل ډاډ يې ورکړ.
محترم حقاني صاحب مراجعينو ته ډاډ ورکړ، چې ستونزو او غوښتنو ته به ژر تر ژره رسېدنه وشي او په اړوندو برخو کې به د مراجعينو لپاره لا نور ډېر سهولتونه او اسانتياوې رامنځته شي.
د ليدنې په وروستيو کې مراجعينو خپلې غوښتنې له اداري مرستيال سره شريکې کړې او د سترې محکمې له رهبرۍ يې مننه وکړه چې د دوی آواز اوري او غوښتنو ته يې رسېدنه کوي.