د کونړ ولایت د دره پیج ولسوالۍ د ابتدائيه محکمې د مسؤولينو په هڅو د قتل موضوع حل او فصل شوه
د کونړ ولایت د دره پیج ولسوالۍ د ابتدائيه محکمې د مسؤولينو په ډېرو هڅو او قومي مشرانو په منځګړيتوب د یادې ولسوالۍ د قلعه ګل سیمه کې د دوو کورنيو ترمنځ رامنځته شوې د قتل موضوع په ۱۷/ ۵/ ۱۴۴۶ هـ ق نېټه حل او فصل شوه.
په دې موخه جوړه شوې غونډه کې د کونړ ولایت محترم والي، د مرافعه محکمې محترم رئیس الحاج مولوي محمد ایوب (قلم)، د بېلابېلو قومونو مشرانو، سپین ږېرو او علماء کرامو ګډون درلود.
د غونډې په دوام د مرافعه محکمې رئيس ګډونوالو ته هر اړخیزه وینا وکړه، ولسونو ته یې ډاډ ورکړ او غوښتنه يې ترې وکړه چې د داسې موضوعاتو په حل کې له محاکمو سره همکار اوسئ.
د غونډې په وروستيو کې ګډونوالو ته اصلاحي فیصله واورول شوه او د دواړو کورنيو ترمنځ د قتل موضوع حل او په رسمي ډول پای ته ورسېده.
غونډه د دعاء په لوستلو پای ته ورسېده.
