د ارزگان ولایت مرافعه محکمې رئیس په مشرۍ اداري غونډه وشوه

د ارزګان ولایت مرافعه محکمې عمومي رئیس محترم الحاج شیخ سخیداد (ابوالتقي) صاحب په مشرۍ چې د مرافعه محکمې د دېوانونو رئیسانو، مفتیانو او محررینو، د ښاري ابتدائیه محکمې رئیس، د دېوانونو رئیسانو، مفتیانو او محررینو، د نظامي محکمې رئیس او کارکوونکو، د قضائي معاونیت قاضي، مفتي او محرر او د ټولو ولسوالیو د ابتدائیه محاکمو رئیسانو، مفتیانو او محررینو په کې ګډون درلود، په تاریخ ۲۲/۹/۱۴۴۶ هـ ق اداري غونډه شوه.
 غونډه د عامه امنیت دېوان د محرر مولوي امیر محمد (ایوب) لخوا د قرآنکریم د څو مبارکو آیاتونو په تلاوت پیل شوه، وروسته محترم الحاج شیخ سخیداد (ابوالتقی) د قضاء پر اهمیت خبرې وکړې وویل، د محاکمو حیثیت باید وساتل شي او په محاکمو کې د واسطې څخه ځانونه وساتئ، د هېچا واسطه باید ونه منل شي؛ بلکې څه چې الله (جل جلاله) او رسول الله (صلی الله علیه وسلم) وایي هغه باید عملي کړو.
د مرافعه محکمې رئیس د ولسوالیو د ابتدائیه محاکمو قاضیانو ته جدي سپارښتنې وکړې چې د ولسوالۍ له ولسوال، امنیه قوماندان او نورو اړوند امارتي ادارو سره د اصولو په رڼا کې همکاري او همغږۍ ولري.
محترم شیخ سخیداد (ابوالتقی) زیاته کړه چې محاکم مستقل دي او هره راغلې دوسیه باید په خپلواکه توګه د شرعي اصولو په رڼا کې فیصله کړي.
دغه راز د مرافعه محکمې رئیس د محاکمو قضائي غړو ته په خطاب کې وویل، داسې فیصلې باید وکړئ چې الله (جل جلاله) او رسول (صلی الله علیه وسلم) در څخه راضي شي، ښه اتفاق او ورورولي باید ولرئ.
 په دې سربېره د مرافعه محکمې رئیس د نورو ضروري مواردو په تړاو د ناستې ګډونوالو ته لازمې سپارښتنې وکړې، د دوی نظریات او وړاندیزونه یې واورېدل او ناسته د دعاء په ویلو پای ته ورسېده.