د لغمان او نورستان ولایتونو نظامي محکمې مسؤولینو په هڅو د قتل (۲۰) کلنه موضوع حل او فصل شوه
د لغمان او غربي نورستان ولایتونو ابتدائيه نظامي محکمې رئيس محترم مولوي عبدالودود (حقاني) په ډېرو هڅو؛ د علماء کرامو او قومي مشرانو په منځګړیتوب د کورنۍ شخړې له امله شل کاله مخکې رامنځته شوې د قتل موضوع، په ۱۰/ ۱۰/ ۱۴۴۷هـ ق نېټه حل او فصل شوه.
یاده موضوع چې شل کاله مخکې رامنځته شوې اووه نفره په کې په قتل رسېدلي وو.
دغه موضوع نظامي محکمې ته تر راجع کېدو وروسته په غور او دقت وڅېړل شوه.
ورپسې د موضوع طرفینو ته د سولې ترغيب وشو او دوی هم ومنله، په دې سره شل کلنه دښمني يې په دوستۍ بدله او رسماً يې موضوع پای ته ورسېده.
