د سترې محکمې د مرکزي تمیز عالي ریاست د ۱۴۴۷ هـ ق کال د دویمې ربعې لنډ راپور

د سترې محکمې د مرکزي تمیز عالي ریاست د ۱۴۴۷ هـ ق کال په دویمه ربعه کې لاندې مهم فعالیتونه ترسره کړي دي:
1-    د دویمې ربعې په جریان کې د مرکزي تمیز عالي ریاست د تېرې ادارې اړوند (۴۱۲) دوسیو ته رسېدنه کړې ده؛ چې له دې جملې څخه (۱۱۲) جلده د ځانګړو محاکمو دوسیې (د پخوانۍ ادارې د محاکمو د پرېکړو په تړاو د قضائي هیئت فیصلې) تائید شوې، (۱۶۷) جلده دوسیې نقض شوې او (۱۳۵) جلده دوسیې د تکمیل او مهر لګولو په موخه د مکتوب له لارې بېرته اړوندو مراجعو ته مستردې شوې دي.
2-    د دویمې ربعې په جریان کې د مرکزي تمیز عالي ریاست ته له اړوند مراجعو څخه (۱۶۶۹) دوسیې را رسېدلې دي، چې په دې کې (۹۶۶) جلده د تمیز غوښتنې دوسیې، (۲۲۴) جلده حقوقي دوسیې، (۷۰) جلده جزائي دوسیې او (۴۰۹) جلده متفرقه دوسیې شاملې دي.
3-    د دویمې ربعې په جریان کې یاد ریاست ته (۲۴۳۹) عریضې را رسېدلې دي، چې له دې جملې څخه (۱۳۸۸) عریضې تر اړینو اجراآتو او احکامو وروسته اصحاب دعوی ته سپارل شوې، (۸۱۶) نامرتبطې عریضې مستردې شوې او (۲۳۵) عریضې له اعتراضونو سره یو ځای له اړوند دوسیو سره ضمیمه شوې دي.