د سترې محکمې د دعوت او ارشاد ریاست پلاوي د کاپیسا او پنجشېر ولايتونو د مرافعه محاکمو لپاره د دعوت او ارشاد برخې آمرين وټاکل
د سترې محکمې د دعوت او ارشاد رئيس محترم حافظ مولوي عبدالعزيز (ميوندي) په مشرۍ د یاد رياست پلاوي د روان ۱۴۴۶ هـ ق کال د ربيع الثاني مياشتې په ۱۲مه او ۱۳مه نېټه کاپیسا او پنجشېر ولایتونو ته د سفر پر مهال د یادو ولایتونو مرافعه محاکمو لپاره د دعوت او ارشاد برخې آمرين وټاکل.
د دعوت او ارشاد ریاست پلاوي په دې موخه له څو علماء کرامو څخه آزموینه واخیسته او د دوی له ډلې يې یو _ یو ممتاز کس د یادو ولایتونو د مرافعه محاکمو لپاره د دعوت او ارشاد برخې د آمر په توګه وټاکه.
دغه راز د دعوت او ارشاد ریاست پلاوي د خپل سفر پر مهال د یادو ولايتونو د مرافعه، ښاري ابتدائیه محاکمو له مسؤولینو او منسوبینو او دغه راز د نظامي قطعې له منسوبینو سره جلا، جلا اصلاحي غونډې وکړې.
په دې اصلاحي غونډو کې د ياد پلاوي لخوا ټولو ګډونوالو ته د تقوا، اخلاص، صداقت، علم، ور سپارل شوي مسؤوليتونه په ښه ډول سرته رسولو او د اسلامي امارت د بقا لپاره د خدمت اړوند مهمې او ارزښتناکې ويناوې وشوې.
