د کابل د مرافعه محکمې عمومي رئیس د دغه ولایت د حقوقو له ریاست څخه لیدنه وکړه
د ۱۴۴۴هـ ق کال د شوال المکرم میاشتې په ۱۳مه نېټه د کابل د مرافعه محکمې عمومي رئیس ښاغلي مولوي عبدالشکور (رشاد آخندزاده) د دغه ولایت د حقوقو ریاست د څلورو ښاري زونونو د آمریتونو او اطرافي آمریت څخه لیدنه وکړه.
د مرافعه محکمې عمومي رئیس حقوقو ریاست ته په ورتګ سره د هر آمریت د دفترونو او کاري اجراآتو تر کتلو وروسته د کارکوونکو ستونزې واورېدې او کارکوونکو ته یې هدایت وکړ چې ټول کارکوونکي مکلف دي خپلې دندې د شریعت مطابق ترسره کړي او مراجعینو سره ښه چلند وکړي.
په پای کې د مرافعه محکمې رئیس وویل، د کارکوونکو د شته ستونزو د حل په برخه کې به پوره هڅه وکړي.
