د هلمند د ښاري ابتدائیه محکمې رئيس د یاد ولايت له مرکزي زندان څخه ليدنه وکړه
د هلمند ولایت د ښاري ابتدائیه محکمی رئیس الحاج مولوي موسکلیم (برهاني) په ۲۱/۳/۱۴۴۶هـ ق نېټه د دغه ولايت له مرکزي زندان څخه لیدنه وکړه.
په دې ليدنه کې د ښاري محکمې رئيس د بندیانو د دوسیو، خوراک، څښاک او د اوسېدو ځایونه له نږدې وکتل او د یادي محکمي له اړوند بندیانو سره خبرې وکړې؛ هغوی ته يې ډاډ ورکړ چې دوسيو ته به یې ژر تر ژره رسېدنه وشي.
دغه راز د ښاري ابتدائیه محکمې رئيس د اړوند دېونونو له رئيسانو سره د بنديانو موضوعات شريک کړل او د یادو بنديانو دوسيو ته يې د ژر رسېدنې هدايت وکړ.
