د غزني د مرافعه محکمې سرپرست رئیس د یادې محکمې او ښاري ابتدائیه محکمې له قضائي مسؤولینو سره ناسته ترسره کړه
د دوشنبې په ورځ (۱۹ /۲ /۱۴۴۵ هـ ق) نېټه د غزني ولایت په مرافعه محکمه کې د مرافعه محکمې د سرپرست رئیس محترم مولوي محمد مبین (الطاف) تر مشرۍ لاندې د مرافعه محکمې او ښاري محکمې د رئیسانو، مفتیانو او محررینو تر منځ ناسته وشوه.
په دې ناسته کې د مرافعه محکمې سرپرست رئیس د افغانستان اسلامي امارت د عالیقدر امیرالمؤمنین حفظه الله توصیې تر قضاتو پورې ورسولې او هغوی ته یې وویل چې پر قضائي چارو کې له خلکو سره ښه سلوک او چلند کوئ .
د مرافعه محکمې سرپرست رئیس زیاته کړه چې د کار د شفافیت په غرض باید خپل ټول تعلقات قطعه کړو او کار ته په خپل رسمي وخت کې حاضر شو.
ورپسې د غونډې د ګډونوالو په استازیتوب د مرافعه محکمې د مدني دېوان رئیس محترم الحاج مولوي صلاح الدین (حقاني) خبرې وکړې وویل، د عالیقدر امیرالمؤمنین حفظه الله د ټولو لارښوونو اطاعت به کوي.
وروسته د مرافعه محکمې د عامه امنیت عامه دېوان رئیس محترم الحاج مولوي عبدالصمد (ابو ضیاء) په خپلو خبرو کې د ورته غونډو د دوام غوښتنه وکړه.
دغه راز د ښاري ابتدائیه محکمې رئیس محترم مولوي حبیب الله (حلیم) وویل، که د عالیقدر امیرالمؤمنین حفظه الله توصیې تحریر او ټولو محاکمو ته تکثیر شي ښه تاثیرات به ولري.
غونډه د دعاء په ویلو سره پای ته ورسېده.
