د زابل ولایت د دايچوپان ولسوالۍ ابتدائيه محکمې د مسؤولينو په هڅو د قتل موضوع حل شوه
د زابل ولایت د دایچوپان ولسوالۍ د ابتدائيه محکمې د رئيس مولوي حضرت محمد په ډېرو هڅو او قومي مشرانو په منځګړيتوب په ۱۷/ ۶/ ۱۴۴۶هـ ق نېټه په یاده ولسوالۍ کې د قتل موضوع حل او فصل شوه.
د قتل دغه موضوع چې د زابل ولایت د دايچوپان ولسوالۍ په لرزآب سيمه کې رامنځته شوې وه، ابتدائيه محکمې ته تر راجع کېدو وروسته په غور وڅېړل شوه، ورپسې د مسؤولينو په هڅو، د سیمې د علماء کرامو او قومي مشرانو په منځګړيتوب د مقتول کورنۍ ته په ديت ورکولو سره ياده موضوع رسماً پای ته ورسېده.
