د زابل ولایت شهر صفا ولسوالۍ کې د مقتول کورنۍ قاتل ته بخښنه وکړه
پرون دوشنبه د ۱۴۴۴ هجري قمري کال د ذوالحجې میاشتې په ۱۵مه نېټه د زابل ولایت د شهر صفا ولسوالۍ د ابتدائیه محکمې په هڅو د مقتول کورنۍ یوه قاتل ته بخښنه وکړه.
د قتل یاده پېښه د عرفات په ورځ (د ۱۴۴۴ کال د ذوالحجې په ۹مه) نېټه رامنځته شوه.
په یاده نېټه یوه باروړونکي(ټېلر) موټر چې موټرچلوونکی یې احسان الله د وردګ ولایت اصلي اوسېدونکی و د زابل ولایت د شهر صفا ولسوالۍ اوسېدونکی جمعه ګل وواهه او شهید شو.
د دې پیښې دوسیه په رسمي ډول محکمې ته تر راجع کېدو وروسته په غور او دقت وڅېړل شوه.
یاده موضوع نن د شهر صفا ابتدائیه محکمې په وسیله د میدان وردګ او زابل ولایتونو د دیني علماوو په منځګړیتوب حل او د مقتول کورنۍ قاتل ته بخښنه وکړه.
