د بلخ محاکمو په دوو اونیو کې د (۳۶۶)دوسیو پر حل او فصل سربېره(۵۳۵) وثیقې هم اجرا کړې

په دغه راپور کې له 3 /2 /1445هـ ق نېټې څخه تر 15 /2 /1445 هـ ق نېټې د بلخ ولایت اړوند مرافعه محکمې، د زون نظامي محکمې، د ښاري ابتدائیه محکمې دېوانونو، د ټولو ولسوالیو د ابتدائیه محاکمو او وثایقو امریت قضائي او حقوقي اجراآت شامل دي.

په حقوقي (مدني او تجارتي) برخه کې:

په یاده موده کې د بلخ ولایت محاکمو ته (218) بېلا بېلې حقوقي (مدني اوتجارتي) دوسیې واردې شوې دي؛ په داسې حال کې چې مخکې هم یو شمېر دوسیې موجودې وې.

له دې ډلې (52) دوسیې فیصله شوې دي، (22) دوسیې مکتوبي مستردې شوې، د (168) دوسیو په اړه قرار  قضائي صادر شــوي او نورې تر کار لاندې دي.

په جزائي برخه کې:

په یاده موده کې د بلخ ولایت محاکمو ته (158) بېلا بېلې جزائي دوسیې واردې شوې دي، په داسې حال کې چې مخکې هم یو شـمېر دوسیې موجودې وې.

له دې جملې څخه (58) دوسیې فیصله شوې دي، (17) دوسیې مکتوبي مستردې شوې دي، د (49) دوسیو په تړاو قرار قضائي صادر شوي او پاتې نورې تر کار لاندې دي.

دغه راز په یاده موده کې د بلخ محاکمو (۵۳۵) بېلا بېلې وثیقې هم اجرا کړې دي.