د پکتیا ولایت په مرافعه محکمه کې د قضاتو ترمنځ ناسته تر سره شوه
د روان کال ۳/۳ /۱۴۴۵ هـ ق کال د دوشنبې په ورځ د پکتیا ولایت د مرافعه محکمې د رئيس الحاج مفتي عبیدالله «خالد» په مشرۍ د مرافعه او ښاري ابتدائیه محاکمو د قضائي او اداري کارکوونکو ترمنځ ناسته تر سره شوه.
ناسته د قرآنکریم د څو مبارکو ایاتونو په تلاوت پیل شوه؛ ورپسې د پکتیا ولایت د ښاري ابتدائيه محکمې رئيس محترم مولوي محمدرحیم «نعماني» خبرې وکړې وويل، د افغانستان د اسلامي امارت د استحکام خیال وساتئ، د دغه نظام د بقاء لپاره کار وکړئ او د خپلو مشرانو اطاعت وکړٸ.
دغه راز د پکتيا ولايت د مرافعه محکمې عمومي رئیس الحاج مفتي عبيدالله (خالد) خبرې وکړې وويل، د عالیقدر امیرالمؤمنین حفظه الله احکام او فرامین پر ورځنيو چارو کې تطبيق کړٸ او د سترې محکمې لوړ مقام اصولو ته ژمن پاتې شٸ.
نوموړي زياته کړه، د قاضي د قلم رنګ د شهيدانو وينې دي او قاضيان دې خپل قلم عدل ته په کتو وکاروي.
ناسته د دعا ویلو سره پاى ته ورسېده.
