د پکتیکا د مرافعه محکمې رئیس د یاد ولایت د علماوو شورا، امر بالمعروف او د امارت د قضایاوو له مسؤولینوسره وکتل
د پکتیکا ولایت د مرافعه محکمې رئیس الحاج مفتي عبیدالله «خالد» په (۲/۱/۱۴۴۵هـ ق) نېټه د یاد ولایت د علماوو شورا او امربالمعروف له رئیسانو او د امارت د قضایاوو له آمر سره د مرافعه محکمې د غونډو په تالار کې وکتل.
په دې ناسته کې چې د الحاج مفتي عبیدالله«خالد» په مشرۍ جوړه شوې وه د یاد ولایت د علماوو شورا او امربالمعروف رئیسانو او د امارت د قضایاوو آمر ګډون کړی و.
ناسته د پکتیکا ولایت د محاکمو د عمومي رئیس الحاج مفتي عبیدالله«خالد» په هر اړخیزه او عالمانه وینا پیل شوه، نوموړي وویل چې د خلکو د حقونو د ضایع کېدو د مخنیوي او شته ستونزو ته په وخت سره د رسېدو په خاطر دا ډول خپل منځي ناستې ضروري او ګټورې دي تر څو شته ستونزو او مشکلاتو ته په کې د حل لاره پیداشي او په وخت ورته رسېدنه وشي.
خالد صاحب د امارت د قضایاوو له آمر سره د امارتي ځمکو په اړه هم خبرې وکړې ترڅو خدای مه کړه چې یادې ځمکې د اشخاصو لخوا حیف او میل نشي.
دعلماوو شورا او د امربالمعروف رئیسانو په عموم کې د ولایت په سطحه د شته ستونزو د حل او عامو خلکو د بې ځایه تکلیف او د هغوی ستونزو او مشکلاتو ته په وخت د رسېدنې په هکله هراړخیزې خبرې وکړې او دغه ډول اداري ناستې یې ضروري وبللې.
