د پکتیا د مرافعه محکمې رئیس د یاد ولایت د استیناف او ښاري محاکمو له قضاتو سره وکتل
د ۱۴۴۴ هـ ق کال د رمضان میاشتې په ۱۴مه نېټه د پکتیا ولایت د مرافعه محکمې عمومي رئیس مفتي امان الله (منقاد حقاني) د پکتیا ولایت د مرافعه محکمې او د ښاري ابتدائیه محکمې له درنو قضاتو سره په خپل کاري دفتر کې اونیزه ناسته تر سره کړه .
ناسته د مرافعه محکمې ریاست د جزاء دېوان د محرر مولوي عبدالرحمن(زاهد) لخوا د قرآنکریم د مبارکو آیاتونو په تلاوت پیل شوه.
ورپسې د پکتیا ولایت د مرافعه محکمې عمومي رئیس مفتي امان الله (منقاد حقاني) د غونډې ټولو ګډونوالو ته ښه راغلاست ووایه.
محترم مفتي امان الله (منقاد حقاني) ټولو قضاتو ته د نفس او د خواهشاتو د کنټرول په هکله د قرآنکریم او احادیثو په رڼا کې تفصیلي وینا وکړه، محاکم یې د اسلامي امارت د غږ اورېدو وروستۍ مرجع وبلله او وویل، د ټولو محاکمو چارې باید په شفاف او عادلانه ډول ترسره شي.
دغه راز د مرافعه محکمې رئیس قضاتو ته د عجز اختیارولو او له کبر او کینې څخه د ځان ساتلو، په محاکمو کې د فرېبکارو اشخاصو په مخنیوي، د نظام د بقاء، په هره فیصله کې لوی الله (جل جلاله) حاضر او ناظر ګڼلو، د وخت په پابندۍ، د علماء کرامو او د قضاتو پر منصب، د مشرتابه د فرامینو، د سترې محکمې د متحدالمآلونو، د اداري اصولنامې او د محاکمو د لایحې او نورو مهمو موضوعاتو خبرې وکړې او په یادو مواردو کې یې کارکوونکو ته نېکې او لازمې سپارښتنې وکړې.
د قضاتو په استازیتوب د مرافعه محکمې د ثبت اسناد وثایق او مخزن آمریت مفتي شیخ عبدالجبار (احمدي) خبرې وکړې او د پکتیا ولایت د مرافعه محکمې له رئيس نه یې د زړه له تله د خوښۍ څرګندولو ترڅنګ مننه وکړه.
غوڼده د دعاء په ویلو پای ته ورسېده.
