د سترې محکمې د حقوقو عمومي رئيس د میدان وردګ ولایت د مرافعه محکمې له رئيس سره وکتل
د ۱۴۴۵ هـ ق کال د ربيع الثاني مياشتې په ۲۸مه نېټه د حقوقو عمومي رئیس محترم مفتي محمد ابراهیم جان (ابوالحفاظ) د میدان وردګ ولايت د مرافعه محکمې له محترم رئيس او د یاد ولایت د حقوقو له آمر سره د حقوقو آمریت اړوند موضوعاتو په اړه د خبرو په موخه وکتل.
په ياده ليدنه کې د میدان وردګ ولايت د حقوقو اداري څانګو پاتې خالي بستونو ته د وړ کسانو د موندلو او جذب لپاره پر لازمو لارو چارو بحث وشو.
د غونډې په وروستيو کې د چارو پر چټکتيا او د لا ښې همغږۍ په رامنځته کولو ټينګار وشو او ياده غونډه د دعا په ویلو پای ته ورسېده.
