د سترې محکمې د دعوت او ارشاد ریاست پلاوي د نورستان مرافعه محکمې ته د دعوت او ارشاد برخې آمر وټاکه 

د سترې محکمې د دعوت او ارشاد رياست رئيس محترم حافظ مولوي عبدالعزيز (ميوندي) په مشرۍ د یاد رياست پلاوي په ۷/۳/۱۴۴۶ هـ ق نېټه نورستان ولایت ته د سفر پر مهال د مرافعه محکمې لپاره د دعوت او ارشاد برخې آمر وټاکه.
د دعوت او ارشاد ریاست پلاوي په دې موخه له دوولس علماء کرامو آزموینه واخیسته او د دوی له ډلې يې يو ممتاز کس د اړوند ولایت مرافعه محکمې ته د دعوت او ارشاد برخې د آمر په حیث وټاکه.
دغه راز د دعوت او ارشاد ریاست پلاوي د خپل سفر پر مهال د یاد ولایت د مرافعه، ښاري ابتدائیه محکمې له مسؤولینو او منسوبینو او دغه راز د نظامي قطعې له منسوبینو سره جلا جلا اصلاحي غونډې وکړې.
په دې اصلاحي غونډو کې د ياد پلاوي لخوا ټولو ګډونوالو ته د تقوا او اخلاص اړوند مهمې او ارزښتناکې ويناوې وشوې.