د خوست ولايت مرافعه محکمې رئيس د یاد ولايت د پنځو ولسواليو له ابتدائيه محاکمو څخه ليدنه وکړه
د خوست ولایت مرافعه محکمې عمومي رئیس محترم مولوي عين الله (خليل) په مشرۍ پلاوي؛ د ۱۴۴۷ هـ ق کال د رجب المرجب میاشتې په ۸مه او ۹مه نېټه د یاد ولايت د اسماعيل خېلو، نادرشاه کوټ، صبريو، تڼيو او سپېرې ولسواليو له ابتدائيه محاکمو څخه ليدنه وکړه.
د ليدنې په پيل کې د مرافعه محکمې رئیس د ولسواليو قضاتو ته د اصولو په رڼا کې د یو شمېر موضوعاتو د حل او فصل په اړه لارښوونې وکړې.
دغه راز یاد پلاوي د ابتدائیه محاکمو ستونزې واورېدې او د ستونزو د حل او فصل لپاره یې پوره ډاډ ورکړ.
د لیدنې په پای کې د مرافعه محکمې رئيس د چارو د لا ښه سمون او چټکتيا په موخه مسؤولینو ته لازم هدایات وکړل.
