د کابل ولايت مرافعه محکمې عمومي رئیس د یاد ولایت د درېيو ولسوالیو له ابتدائیه محاکمو څخه لیدنه وکړه
د کابل ولایت مرافعه محکمې عمومي رئیس الحاج مفتي ذبېحالله (ساجد)؛ په ۱۹/ ۸/ ۱۴۴۷ هـ ق د مطبوعاتو د مدیر په ملتیا، د کابل ولايت د استالف، فرزې او پغمان ولسوالیو له ابتدائیه محاکمو څخه لیدنه وکړه.
د مرافعه محکمې رئيس په یادو لیدنو کې د محاکمو قضائي چارې، استفتاوې، فتواوې، قضائي حکمونه، د وثیقو د ثبت بهیر، اداري اسناد، اندراج، وارده، صادره او د رسېداتو کتابونه وکتل او مسؤولینو ته یې د یادو چارو د لا چټکتیا او ښهوالي هدایت وکړ.
د ليدنې په دوام محترم مفتي ساجد د محاکمو مسؤولینو ته هدایت وکړ، چې د محاکمو او حقوقو مسؤولینو او منسوبین دې د مراجعینو کارونه له ځنډ پرته خلاص کړي، له مراجعینو سره دې ښه چلند کوي، د وخت پابندي دې کوي او په ولسوالۍ کې له نورو امارتي ادارو سره دې ښه همغږي ولري.
دغه راز د یادو محاکمو د حقوقو مدیریتونو له اجراآتو هم لیدنه وشوه او د اجراآتو د ښهوالي په موخه ورته لازمې لارښوونې وشوې.
د لیدنې پر مهال د محاکمو او حقوقو مسؤولینو خپلې اړتیاوې د مرافعه محکمې له رئیس سره شریکې کړې، چې د محترم ساجد لخوا پوره ډاډ ورکړل شو.
