د کابل ولایت قره‌باغ ولسوالۍ ابتدائیه محکمې د مسئولینو په هڅو د قتل دوه موضوعات حل او فصل شول

m_admin
یکشنبه ۱۴۰۵/۹/۱ - ۱۰:۷
د کابل ولایت قره‌باغ ولسوالۍ ابتدائیه محکمې د مسئولینو په هڅو د قتل دوه موضوعات حل او فصل شول

د کابل ولایت قره‌باغ ولسوالۍ ابتدائیه محکمې د مسئولینو په هڅو، د روان ۱۴۴۸هـ ق کال د جمادی الأولی میاشتې په ۲۹مه نېټه، د څو کورنیو ترمنځ د قتل دوه بېلا بېل موضوعات د سولې له لارې حل او فصل شول.

یادې قضیې د قره‌باغ ولسوالۍ اړوند په «باریک‌آب» او «قره‌باغ بازار» سیمو کې د جلا جلا ترافیکي پېښو له امله رامنځته شوې وې، چې د قره‌باغ ولسوالۍ ابتدائیه محکمې ته تر راجع کېدو وروسته، د یادې محکمې د قضائي غړو له لوري په غور او دقت سره وڅېړل شوې.

د محکمې مسئولینو د حکم له صادرېدو مخکې، د دواړو قضیو طرفین سولې او روغې جوړې ته وهڅول، چې د د دوی لخوا د محکمې دغه غوښتنه ومنل شوه؛ د مقتولینو د کورنیو له رضایت او هوکړې وروسته، د محکمې له لوري د روان ۱۴۴۸هـ ق کال د جمادی‌الأولی میاشتې په  ۲۹مه نېټه یوه رسمي غونډه جوړه شوه.

په دې غونډه کې د مقتولینو وارثانو قاتلانو ته بخښنه وکړه او پرېکړه وشوه، چې له دې وروسته به د یادو قضیو طرفین په پوره امن او سوله کې ژوند کوي.

د سیمې اوسېدونکو د قره‌باغ ولسوالۍ د ابتدائیه محکمې د دغه اقدام ستاینه او مننه وکړه او د دغه ډول مسایلو حل یې د ټولنې د ثبات او پرمختګ لپاره ګټور وباله.

تازه خبرونه

یکشنبه ۱۴۰۵/۹/۱ - ۱۰:۷
Background image

د کابل ولایت قره‌باغ ولسوالۍ ابتدائیه محکمې د مسئولینو په هڅو د قتل دوه موضوعات حل او فصل شول

د کابل ولایت قره‌باغ ولسوالۍ ابتدائیه محکمې د مسئولینو په هڅو، د روان ۱۴۴۸هـ ق کال د جمادی الأولی میاشتې په ۲۹مه نېټه، د څو کورنیو ترمنځ د قتل دوه بېلا بېل موضوعات د سولې له لارې حل او. . .

چهارشنبه ۱۴۰۵/۸/۶ - ۱۳:۳۷
Background image

د سترې محکمې د مرکزي تمیز عالي ریاست د جزا دېوان عمومي رئیس د (۸) جزائي دوسیو په اړه د وروستیو څېړنو د بشپړولو په موخه درېیو ولایتونو ته رسمي سفر وکړ

د سترې محکمې د مرکزي تمیز عالي ریاست د جزا دېوان عمومي رئیس محترم مفتي عتیق الله (دروېش)، د مفتي محمد (حصین) او مفتي عبدالرحمن (مفتي‌زاده) په ملتیا، د ۱۴۴۸هـ ق کال د جمادی الأولی میاشتې. . .

چهارشنبه ۱۴۰۵/۸/۶ - ۱۰:۲۵
Background image

د کابل ولايت محاکمو په يوه میاشت کې (۴۲۴۳) دوسیو ته پر رسېدنه سربېره، (۲۶۵۱) وثیقې هم اجرا کړې دي

د کابل ولايت مرافعه، ښاري ابتدائيه، د وثايقو آمريتونو او د ټولو ولسواليو ابتدائيه محاکمو په یوه میاشت کې (له ۱/ ۴/ ۱۴۴۸هـ ق څخه تر ۲۹ /۴ / ۱۴۴۸هـ ق) نېټې پورې (۴۲۴۳) دوسيو ته پر رسېدنه. . .

بیا په خبرونو کی