د سترې محکمې د تدارکاتو امریت خبرتیا
د تدارکاتو قانون د درې څلوېښتمې مادې د (۲مې) فقرې له مخې ټولو هیوادوالو ته خبر ورکول کیږي چې د ا.ا.ا ستره محکمه په نظر کې لري د ۱۴۰۲هـ ش مالي کال لپاره د عزت الله لوی کندهار تجارتي٬ ساختماني او لوژستیکي خدمتونو شرکت سره چې د جواز شمېره یې (۲۱۷۷۶) ده او مرکزي دفتر یې د کابل ولایت په مرکز کمپنۍ سیمه کې موقعیت لري، د (۳۸۲۱۲۵۷) درې میلیون، آته سوه یویشت زره، دوه سوه اوه پنځوس افغانۍ په قېمت د قضائیه قوې د محاکمو د ساتنې اجرائیوي او امنیتي ریاست لپاره د (۱۴) قلمه تنظیفاتي موادو د تدارک قرارداد وکړي.
هر ډول حکمي او حقیقي شخصیتونه چې په دې اړه نیوکه لري د تدارکاتو قانون د پنځوسمې مادې له مخې کولاي شي په لیکلي ډول د دلایلو په لرلو سره خپلې نیوکې د دغه اعلان د خپرېدو له نېټې څخه تر اوو (۷) تقویمي ورځو پورې د عامې روغتیا څلورلاري ته څېرمه د سترې محکمې د مالي او اداري عمومي ریاست اړوند تدارکاتو آمریت ته وړاندې کړي.
دا خبرتیا د قرارداد د تړلو په معنی نه ده، د پورته ذکر شوې نېټې تر پوره کېدو او نورو قانوني مراحلو تر سرته رسولو پورې د قرارداد عقد نه تړل کیږي.
