د غزني د مرافعه محکمې لپاره نوی رئيس او مرستيال؛ د غزني زون د نظامي محکمې لپاره نوی رئيس او قاضي معرفي شول

m_admin
أربعاء, أكتوبر 16 2024 1:47 مساء
د غزني د مرافعه محکمې لپاره نوی رئيس او مرستيال؛ د غزني زون د نظامي محکمې لپاره نوی رئيس او قاضي معرفي شول

د روان ۱۴۴۶ هـ ق کال د ربیع الثاني میاشتې په ۱۲مه نېټه د غزني ولايت د مرافعه محکمې د نوي رئیس محترم مولوي عزيزالله، د مرافعه محکمې د مرستیال مولوي عين الله خلیل، د غزني زون د نظامي محکمې د نوي رئیس مولوي عبدالبر او د غزني زون د نظامي محکمې د قاضي مولوي نجم الله د معرفت غونډه وشوه.

په دې موخه جوړه شوې غونډه کې د سترې محکمې د نظامي محاکمو مرستيال محترم شیخ خیرجان (خيرخواه) صاحب، د غزني مرستیال والي، امنیه قوماندان، مستوفي، د مرافعه، ښاري او نظامي محاکمو قضائي غړو او د نورو ګڼ شمېر امارتي ادارو مسؤولینو ګډون درلود.

غونډه د قرآنکريم د څو مبارکو آیاتونو په تلاوت پيل شوه؛ ورپسې د مرافعه محکمې د جزا دېوان عمومي رئیس مولوي محمد مبین (الطاف) راغلو مېلمنو ته ښه راغلاست ووايه او زیاته یې کړه، تغیر او تبديل د نظام یو اصل دی، موږ د اسلامي امارت د غړو په حیث مکلف یو چې د مشرانو د امر اطاعت وکړو، چې څنګه مو د مشرانو لزوم دید وي موږ ورته لبیک وایو.

غونډه کې د سترې محکمې نظامي مرستيال محترم شیخ خیرجان (خیرخواه) خبرې وکړې وویل، اسلامي نظام د الله تعالی له لوري یو ستر نعمت دی، دا نعمت شکرانه غواړي او شکرانه یې داده چې په اخلاص سره د خپل مظلوم ملت خدمت وکړو.

محترم شیخ خیرخواه صاحب د اسلامي امارت د ټولو مسؤولینو پر همغږۍ او یووالي ټینګار وکړ او خوښي یې څرګنده کړه چې د غزني ولايت د ادارو ترمنځ همغږي موجوده ده.

د غونډې په دوام د نظامي محکمې قاضي مفتي میرسید سند سعید وویل، غزني ولایت کې ښه همغږي موجوده ده، ټول مسؤولین د اصولو د مراعاتولو برخه کې یو له بل سره همکاري کوي.

دغه راز د غزني مرستیال والي وویل، موږ د خپل وس او توان موافق د محاکمو پرېکړې عملي کوو.

ورپسې د سترې محکمې نظامي مرستیال محترم شیخ خیرجان (خیرخواه) صاحب د مرافعه او نظامي محاکمو نوي مسؤولین په رسمي ډول معرفي کړل.

د غونډې په وروستيو کې د مرافعه او نظامي محاکمو نويو رئیسانو خبرې وکړې وویل، تر خپله وسه به د خلکو ستونزو او غوښتنو ته پر خپل وخت رسېدنه کوو.

غونډه د دعا په ویلو پای ته ورسېده.

Latest news

أربعاء, مايو 14 2025 3:56 مساء
Background image

عقد اجتماع قاضي القضاة ورئيس المحكمة العليا مع مسؤولي محكمة المدينة الابتدائية في محافظة كابل

عقد قاضي القضاة ورئيس المحكمة العليا في إمارة أفغانستان الإسلامية، فضيلة الشيخ عبد الحكيم (الحقاني)، اليوم الأربعاء (١٦/ ۱۱/١٤٤٦ هـ ق) اجتماعاً مع مسؤولي محكمة المدينة الابتدائية في. . .

ثلاثاء, أبريل 22 2025 9:50 صباحا
Background image

زیارة قاضي القضاة ورئيس المحكمة العليا إلى محافظة زابل

زار قاضي القضاة ورئيس المحكمة العليا في إمارة أفغانستان الإسلامية، فضيلةُ الشيخ عبدالحكيم الحقاني، في 22/10/1446هـ ق، على رأس وفد، محافظة زابل، استمراراً لجولاته الإقليمية ومتابعته. . .

خميس, أبريل 17 2025 6:09 مساء
Background image

زیارة فضيلة قاضي القضاة ورئيس المحكمة العليا على رأس وفد إلى محافظة هلمند

قام قاضي القضاة ورئيس المحمة العليا في إمارة أفغانستان الإسلامية، فضيلة الشيخ عبد الحكيم (الحقاني) ، بتاريخ ١٨ / ١٠ / ١٤٤٦ هـ ق، على رأس وفد بزيارة محافظة هلمند، وذلك في إطار مواصلته. . .

BACK TO NEWS