د کابل ولايت قره باغ ولسوالۍ ابتدائیه محکمې مسؤولينو په هڅو د دوو کورنيو ترمنځ د قتل موضوع حل شوه
د کابل ولايت قره باغ ولسوالۍ ابتدائیه محکمې مسؤولينو په ډېرو هڅو؛ د قومي مشرانو او علماوو په منځګړيتوب، په ۴ / ۶ / ۱۴۴۷هـ ق نېټه د دوو کورنيو ترمنځ د قتل موضوع حل او فصل شوه.
یاده موضوع چې شاوخوا دوه کاله مخکې د قره باغ ولسوالۍ اړوند په لنګر کلي کې د خپل منځي جګړې له امله رامنځته شوې وه؛ ابتدائیه محکمې ته تر راجع کېدو وروسته په غور او دقت وڅېړل شوه او د محکمې له لوري د حکم څخه مخکې دواړه لوري سولې ته وهڅول شول او دوی هم قبوله کړه.
وروسته یاده موضوع د یوې غونډې په جریان کې چې د دواړو لوریو مشرانو او علماوو هم په کې ګډون درلود، د مقتول وارثينو قاتل ته بخښنه وکړه، موضوع يې رسماً پای ته ورسېده او دښمني يې په دوستۍ بدله شوه.
