د سترې محکمې د تدارکاتو آمریت خبرتیا
د تدارکاتو قانون د ۴۳مې مادې د دویمې فقرې له مخې ټولو هیوادوالو ته خبر ورکول کیږي چې د افغانستان اسلامي امارت ستره محکمه په نظر کې لري د ۱۴۰۲هـ ش مالي کال لپاره د لمرپاینټ لوژستیکي خدموتو شرکت سره چې د جواز شمېره یې (۵۹۲۸۶) ده او مرکزي دفتر یې د کابل ولایت مرکز په نادرپښتون سیمه کې موقعیت لري، د (۲۷۲۱۷۰۰) دوه میلیون، اووه سوه یوویشت زره او اووه سوه افغانۍ په قېمت سره د کابل ولایت د څلورګونو ښاري ابتدائیه محاکمو لپاره د (۳۱) قلمه امنیتي کامرو او د هغه اړوندو وسایلو قرارداد وکړي.
هر ډول حکمي او حقیقي شخصیتونه چې په دې اړه نیوکه لري د تدارکاتو قانون د ۵۰مې مادې له مخې کولای شي په لیکلي ډول د دلایلو په لرلو سره خپلې نیوکې د دغه اعلان د خپرېدو له نېټې څخه تر اووه (۷) تقویمي ورځو پورې د عامې روغتیا څلورلارې ته څېرمه د سترې محکمې د مالي او اداري عمومي ریاست اړوند د تدارکاتو آمریت ته وړاندې کړي.
دا خبرتیا د قرارداد د تړلو په معنا نه ده، د پورته ذکر شوې نېټې تر پوره کېدو او نورو قانوني مراحلو تر سرته رسولو پورې د قرارداد عقد نه تړل کیږي.
