د دايکندي ولايت د مرافعه محکمې لپاره د دعوت او ارشاد برخې آمر وټاکل شو
د سترې محکمې د دعوت او ارشاد رياست رئيس محترم حافظ مولوي عبدالعزيز (ميوندي) او د یاد رياست مدرس مولوي عبدالمالک (انقیادي) د هېواد ټولو ولايتونو ته د مرافعه محاکمو لپاره د دعوت او ارشاد رياست اړونده آمرينو د ټاکلو په موخه سفرونه پيل کړې وو، چې په ۲۸/ ۱/ ۱۴۴۶ هـ ق نېټه د دايکندي ولايت د مرافعه محکمې لپاره دعوت او ارشاد برخې ته يو تن د آمر په حيث وټاکل شو.
د دايکندي ولايت لپاره د مرافعې محکمې د رئېس په موافقه د دعوت او ارشاد د آمر ټاکلو په موخه د ۱۷ علماء کرامو څخه آزموينه واخيستل شوه او د آزموينې په پايله کې يو نفر د یادې محکمې د دعوت او ارشاد برخې د آمر په حیث وټاکل شو.
همداراز په دې سفر کې د دعوت او ارشاد رياست د پلاوي له لوري د نظامي او مرافعه محاکمو ټولو غړيو ته اصلاحي وينا وشوه.
