د کابل ولایت ښاري ابتدائیه محکمې څلورو زونونو په يوه مياشت کې (۱۶۲۲) دوسيو ته رسېدنه کړې ده
د کابل ولایت ښاري ابتدائیه محکمې اړوند څلورو زونونو په يوه مياشت کې (له ۱ / ۱۲ / ۱۴۴۷هـ ق څخه تر ۳۰ / ۱۲ /۱۴۴۷هـ ق) پورې په جزائي، حقوقي او تجارتي برخو کې (۱۶۲۲) دوسیو ته رسېدنه کړې ده؛ چې جزئیات یې په لاندې ډول دي:
د جزائي دوسیو په برخه کې:
د کابل ښاري ابتدائیه محاکمو څلورو زونونو ته په یوه مياشت کې ( ۱۰۲۴) جزائي دوسیې واردې شوې؛ په داسې حال کې چې مخکې هم یو شمېر دوسیې موجود وې.
له دې جملې څخه د (۱۵۸) دوسیو په تړاو قضائي قرارونه صادر شوي، (۶۱۰) دوسیې فیصله شوې، (۱۰۷) دوسيې مکتوبي مستردې شوې او پاتې دوسيې تر کار لاندې دي.
د حقوقي دوسیو په برخه کې:
د کابل ښاري ابتدائیه محاکمو څلورو زونونو ته په يوه مياشت کې (۴۵۸) حقوقي دوسیې واردې شوې؛ په داسې حال کې چې مخکې هم یو شمېر دوسیې موجود وې.
له دې جملې څخه د (۱۹۶) دوسیو په تړاو قضائي قرارونه صادر شوي، (۱۲۹) دوسیې فیصله شوې، (۹۹) دوسيې مکتوبي مستردې شوې او پاتې دوسيې تر کار لاندې دي.
د تجارتې دوسیو په برخه کې:
د کابل ښاري ابتدائیه محاکمو څلورو زونونو ته په يوه مياشت کې (۳۵۶) تجارتي دوسیې واردې شوې؛ په داسې حال کې چې مخکې هم یو شمېر دوسیې موجود وې.
له دې جملې څخه د (۱۴۸) دوسیو په تړاو قضائي قرارونه صادر شوي، (۱۳۴) دوسیې فیصله شوې، (۴۱) دوسيې مکتوبي مستردې شوې او پاتې دوسيې تر کار لاندې دي.
