د هلمند ولايت د مرافعه محکمې د رئيس په مشرۍ د مرافعه محکمې د غونډو په تالار کې اداري غونډه ترسره شوه
سه شنبه ۱۴۴۴/۱۲/۲۳/ ھ ق نېټه د هلمند ولایت د مرافعه محکمې د ریاست په مقام کې د مرافعه محکمې عمومي رئیس مولوي محمد نبي حماس صاحب په مشرۍ اداري غونډه ترسره شوه.
په یاده اداري غونډه کې د مرافعه محکمې د ټولو دېوانونو قضاتو، مفتیانو، محررينو او د تحریراتو عمومي امر ګډون درلود.
غونډه د قرآن کریم د څو مبارکو آیتونو په تلاوت پیل شوه، ورپسې حماس مولوي صاحب د مجلس شروع د دوو نقطو په لنډ بیان سره وکړه، لومړي يې د غونډې ګډونوالو ته هغه استهداء وړاندې او ابلاغ کړه چې له محبس څخه راغلې وه، د غونډې د ګډونوالو له لوري پرې له بحث وروسته ورته ځواب وویل شو.
او همدا راز محکمې ته د بندیانو د تګ او راتګ په ترتیب بحث وشو.
په پای کې غونډه د دعائيه په ویلو سره ختمه شوه.
